.. ياخف دمي معاك ..


ارحم عليل الهوى لاهب من يمك
ياورد عطرك يفوح بروح وجداني

مشتاق لك والخيال الرحب لاضمك
ماعاد يرضيه غيرك واحدا ثاني
.. .
ياللي غرامك موردني على جمك
في عالمك وين ماحليت تلقاني

بالبعد دايم تبعثرني وانا المك
واسهر على راحتك ياسيد خلاني

تنام ليلك وانا اللي ناقلا همك
ياكثر مامرني طيفك وصحاني

اهتم بك وانت هم ارضاي ماهمك
مرتاح بالك ولافكرت باحزاني

يدفعني الشوق واسوق القدم يمك
بالوصل ابرك وبالهجران تجزاني

مبلي بحبك واحب ابوك ويا امك
غلاك شارك خفوفي دم شرياني

ياخف دمي معاك وياثقل دمك
دايم على البال وانت احيان تنساني

شفني على حد بابك جيت ابا اشمك
ياورد عطرك الى شميته ابراني

خلف اﻷسيد