..امدح الطيب ..

ياوسيع العرف يالذرب اللبيب
كان صدرك للمدايح محتدي

امدح الطيب ترى الطيب يطيب
والردي لو تمدحه يبقا ردي

الردي ماله مع الطيب نصيب
لو وصل بالمدح لحدود الجدي

مايودي به مديح ولايجيب
ولا يغير من رداه السرمدي

واسأل مجرب ولاتسأل طبيب
كان ودك في نصايحك تهدي

انصح اللي للنصايح يستجيب
واترك اللي لونصح مايقتدي

ولا يغرك لابس البشت الرهيب
كم لبسها هيلمين مربدي

بالمجالس له رزيم وله حطيب
وبالمواقف كنه الثور الهدي

ياوسبع العرف بعض المدح عيب
امدح الطب ولا تمدح ردي


.. خلف اﻷسبد