كلمات الشاعر : فهـــد السطـــامي
لحن وغناء : عـــــــزازي
أحدٍ يلاقي راحته وين ماراح
واحدٍ عجز يرتاح في وسط بيته
واحدٍ حياته كلها افراح بافراح
واحدٍ من همومه حياته مقيته
لو كل جرح يعالجه طب جراح
ماعاش جرحٍ داخلي ماحكيته
ياللي تبي تصلح عاديمين الاصلاح
حاولت قبلك والنتيجه مميته
صبرت وارجي ضيقة الصدر تنزاح
واللي رجيته عادني مالقيته
راحت سنيني بين مسرى ومرواح
لين انخذلت بكل شيٍ هقيته