• ×

09:16 مساءً , الجمعة 19 رمضان 1440 / 24 مايو 2019

الهقوه والصداقة

الشاعر خلف الاسيد

زيادة حجم الخط مسح إنقاص حجم الخط
الشاعر :خلف الأسيد ياهقوتي بعض الصداقات.. تلوى=حذفة عصى.. مهما بلغ.. مستواها

فيها ابتليت.. وشفت غيري.. تبلوى=والناس يفرق طيبها.. عن رداها

ياهقوتي نشره على طير.. شلوى=والا الردي نفرح إلى انه.. نساها

ما نلتفت له...لاااا..لوى.. بالف ملوى=النفس نرفع قدرها.. عن وطاها

باحساسنا صرح الكرامه.. تعلوى=فوق النجوم اللي.. بعيد(ن)..مداها

نشرب فناجيل الوفا.. وانتحلوى=نشوم.. والزلات ندمح.. خطاها

ياهقوتي عذبات الايام.. سلوى=مع صحبة اللي فيه نفسي.. تباها

صديق وقت الضيق مالاج.. والوى=يمناه يكفي عن قراها.. نباها

ماهو كما نذلٍ.. بدلوه.. تدلوى=يمشي على الحروه ويركض.. وراها

يفضح خفايا مذهبه رمح.. اللوى=ومن دور الغرات عنده.. لقاها

ياهقوتي بلواه.. بالحيل... بلوى=اللي صداقاته لحاجه.. بناها

ياهقوتي بعض الصداقات.. تلوى=عجزت.. اميز وجهها.. من قفاها


اخوكم

خلف الأسيد الشراري
 0  0  7.2K
Page Title
التعليقات ( 0 )