• ×
مساحة اعلانية1

أكذب عليك

مساحة اعلانية
زيادة حجم الخط مسح إنقاص حجم الخط
 // أكذب عليك //

‏أكذب "عليك "إن قلت لك ماحبك
وأمزح معك لاقلت ماني فاضي

خل" الزعل "تعال" لايلعبك
يانور "دنيا " حاضري والماضي

‏تعال" شف " وين الخيال ارقبك
فوق النجوم اللي "سناها " ياضي

وأشعلك برق(ب) بالخفوق وصبك
بين " الحنايا " وأرتوتك فياضي

ياطب "روحي "داوني من طبك
انت" الطبيب" لعلتي واعراضي

اهواك والله واعشقك واحبك
وفي شوفتك"تشفى"جميع امراضي

خلف الأسيد
؛؛؛؛؛؛

.إكذب على كيفك>

إكذب على كيفك معي واتلَبَّك
باظل انا عن مقصدك متغاضي

لكن حسافه كيف تنسى ربك؟
في يوم هو بين الخلايق قاضي

الحب ما هو سَبّ للي سَبَّك
ولا تلاعب واعتذار بالفاضي

الحب زُمره من خيوط تِتشَبَّك
فيها مشاعر حاضرك والماضي

واجب تراعي حضرة اللي جنبك
وتشوف هو زعلان والا راضي

إحذر خيول الطيش رَح تقلب بك
وتضيع مِنَّك أنفس الأغراضي

ومهجة اللي هَلَّلَت مَرحَب بَك
مِن هَرجَك المكشوف تبقى لاضي

ليلي فرحان

""""""
ياللي عبير " الشوق" فاح وهبك
حياك ياخصم "الغلا "والقاضي

ياصاحبي وش فيك"طقطق"حبك
وانا رقيق "ومرهفات" الفاضي

اسمع "مدام " الشك " بك متلبك
انفض"اغباره"وانهض الأنقاضي

اقر " المعاني " زين قبل " أتسبك
فكر قبل يارد (شذاك) حياضي

اطو الهجوس "وحطها " في عبك
واسرج خيول"الود"مع مركاضي

اما اتركك وإلا " اعشقك "واسبك
وارويك من"نبعي"اليامن فاضي

وإلا أعقد " إحبال " الهوى والعبك
لعب الهبوب "بتالي" الأنقاضي

خلف الأسيد
:: مساحة اعلانية ::: Share ::: --: --:
 0  0  3.4K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 02:17 مساءً الخميس 28 مارس 2024.

شارك أصحابك