• ×
مساحة اعلانية1

المطيري في ذمة الله ورثاء ابناء قبيلة الشرارت

مساحة اعلانية
زيادة حجم الخط مسح إنقاص حجم الخط
 صحيفة ميقوع ـ حمدي فالح الشراري

انتقل إلى رحمة الله تعالى مساء يوم الاثنين الموافق 1437/11/12هـ الشاعر الكبير غزاي بن عطا الله الحميداني المطيري بعد تعرضه لحادث مروري رحمة الله وقبيله الشرارات تتقدم باحر التعازي والمواساة لقبيلة مطير عامه ولعائلة الفقيد خاصه سائلين الله أن يتغمد الفقيد بواسع رحمته وان يلهم اهله وذويه الصبر والسلوان. انا لله وانا اليه راجعون....

مرثيه قالها الشاعر محمد عايد البوجان الشراري.بوفاة الشاعر غزاي عطالله الحميداني المطيري

البارحه مضيت ليلي تفاكير
وبقصاالضماير لون حر الوقيده
اسباب علم كدرالبال تكدير
علم فجعني والفجيعه شديده
وفاة رجل له مكانه وتوقير
وبالجودوالمعروف كل شهيده
حلوالنبا زين القاء والتعابير
الشاعر اللي نفتخر في قصيده
عزالله انه من كبارالمخاسير
رفيقي اللي بالملازم وليده
غزاي له عندي مكانه وتقدير
وياعزمن هو بالملازم عضيده
ومن الوفاء نرثاه عودوتكرير
وابن عطالله له مواقف فريده
لجل الخوي يقطع بعيدالمشاوير
ماكتفي عن صاحبه في بريده
عساه بالجنه ملم الخطاطير
ويلقامكانه بالجنان الرغيده
امين جعله بالجنان المزاهير
والله من خير الحساني يزيده
وعسى الولي يجبرعزاناوعزاء مطير
عزالله انه راح منهافقيده
والحمده لله في مكانه مناعير
خلف عيال يسترون البديده
واخوانه اللي بالمواقف مشاهير
ارجال تومن بالقدر والعقيده
والموت ياتي لوتطول المشاوير
ومن جاه يومه طبنا مايفيده

وقال الشاعر محمد عويض المهرمس الشراري هذه المرثيه

ياصورة(ن) وردت مساء يوم الاثنين
ماهي بشارة واعتبرها خساره

فيها رجل وافي وفيها خبر شين
وفيها علينا من غثى النفس غاره

ومنها على خدي سفح وابل العين
قمت آتكضم من قريت العباره

غزّاي ابو عادل عرفناه بالزين
وصل ووفا وافي علوم ونماره

يارب تجعل مسكنه بالبساتين
وبجنّة الفردوس بدل دياره

نعزي انفسنا ولا احنا مخفين
في ساحة الشٌّعار نفقد وقاره

وثمً مطير وخص فيها الحمادين
ياموصلٍ خطي عليك الاشاره

عني وعن كل الشرارات وافين
ومن الشمال احمل عزانا لداره

هذي هي الدنيا وهذا هو الدين
سنّة حياة وموت صعبه إنكاره

نبكي على غالي وقبله عزيزين
والموت لابده علينا زياره

فانين حنا والمخاليق فانين
والرابح اللي كاسباً بالتجاره

تجارة(ن)فيها حدود وقوانين
وفيها سراط(ن) بين جنه وناره
:: مساحة اعلانية ::: Share ::: --: --:
 0  0  7.0K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 11:46 صباحًا الثلاثاء 19 مارس 2024.

شارك أصحابك