• ×

10:53 صباحًا , الإثنين 10 ديسمبر 2018

عطاالله بن  قطيش

( مخاطبة فكر )

عطاالله بن قطيش

 0  0  275
زيادة حجم الخط مسح إنقاص حجم الخط
( مخاطبة فكر )

حلق الفكر جاوز بي حدود السحاب
ولا لقى حد لن المجد ماله حدود

الاثر واضحٍ لو دون ذرة تراب
بالفضا كل شبرٍ فيه ماطا جدود

قلت يافكر عود بالوطا لك جواب
واجب انك تأمل قبل تبدا الصعود

الله ارسل دليلة لبن ادم غراب
وانت عندك دلائل بينة مع شهود

مركز الأرض في اطهر مكان مهاب
قبلة المسلمين ووجهتن للحشود

وفي المدينة منادي دين حق وصواب
هاجروا له جهاد وجاهروا بالسجود

وسلم المجد نجد سهولها والهضاب
وكل شياً يمثل نجد يرقى سنود

وشرقها ساحلٍ ربي فتح منه باب
خير عم البلاد وعم كل الوجود

بالجنوب الجبال اللي بها الشهد طاب
وبالجنوب الرجال الوافية بالعهود

بالشمال القهاوي للركايب خضاب
والصدور الشمالية تحث الجنود

هات يافكرماعندك شعر اوخطاب
اكتب احلى وصوفاً وانثر اجمل ورود

اختصرها ولا يحتاج تقرا كتاب
ذروة العز تلقاها في دار السعود

الشاعر :- عطاالله قطيش

التعليقات ( 0 )