هاض الغرام وفز قلبـي وفزيت.
يوم(ن) سمعت اسمه يناديه بالسوق
من غير لاشعر قلت ياليت ياليت.
ماشاع صوتك باسمها ناد برفوق
واجاوبه بالصوت باسمه وناديت.
وارجع والحنها على كل طاروق
من حر مابي باخر الصوت عبيت.
وكل(ن) نظر بي قال جاهل ومطفوق
حرام طحت بماقفي ماتعديت.
كني طريح ابسرة القلب مصفوق
جاه القضاء من يد قومً لهم صيت.
تخالطن به بين رمحً وساروق
وذكرت انا شخصً بحبه تبلييت.
من يوم فارقني غدا القلب مفتوق
ياما على شانه سهرة وتعنيت.
وسبابهم ماكل. ولا اشرب. ولا اذوق
مالى جدى ياكود كثر التناهيت.
واودعت في قلبي مساماة وحروق
اخلصت لك من قلب وش فيه صديت.
انا اجاوب غيرنا صار معشوق
اللي ضحك لك قال شفتك وحبيت.
صدق كلامه لو يقول البحر فوق
لو مقصدي تفريق يامن تعزويت.
باذن الولي لاناخذ الطاق مطبوق
لاشك انا بنصحك يامن تشاويت.
لايخدعك ممشاك وبنفسكم روووق
لاطاب خاطركم وعفته ومليت.
ارجوك ميز منبع الطيب والبوق
حلفت مااجي بيتكم عقب ماجيت.
النفس لاصدت فلا ينفع الشوق
حسبتكم في دنيتي حسبت الميت.
والله يعوضنا من البيض زملوق
اطلبك انا يالله ياحامي البيت.
بامرك وتدبيرك جرى الدم بعروق
اغفر لعبدك كل ذنبً به اخطيت.
واجعل لنا عن لاهب الناس معتوق
(بندر شلاح)