اول حياتي بالحزن والونينا.
مالي ونيسٍ غير دمعي ليا سال.
وياكم حلمً في حياتي بنينا.
من صغر سني نبني احلام وأمال.
تبددت احلامنا من سنينا.
راحت وخلتنا على الدار نزال.
جسمي تعب واغديت حلم وشكينا.
ولافادتن شكواي في كل الاحوال.
عايش بهم وكل يومً حزينا.
واثر الصبر مرً على الكبد لاطال.
من دون موعد يم خالي لفينا.
وتجددت دنياي في كلمة الخال.
يقول شاريكم وكلش علينا.
ماهمنا كثر الدراهم والاموال.
حنا ليا منا عطينا عطينا.
نعطي العطى مانسمع القيل والقال.
اعطاني اللي مالزينه حسينا.
دره بحر ماوصفوها بالامثال.
ثم قلت له تسلم لقربك شرينا.
اول بحال وصرت انا الليوم في حال.
من وقتها اربع وسبعه سنينا.
حرام ماغابت ثواني عن البال.
واحلف برب البيت واحلف يمينا.
من البيض ماشد النظر كثر الازوال.
وكل السنين اللي مضت له طوينا.
ثم قلت اعيش العمر مع زين الاقبال.
يوم الاحد بالليل يمه مشينا.
وحسيت كن القلب ممسوس بحبال.
الصبح بالموضوع حنا ابتدينا.
جاني جواب بوسط الروح زلزال.
قالوا عشيري رافضً مايبينا.
مدام قلبك عن هواء الترف ميال.
يقول ينسانا وحنا نسينا.
انساه صعبه حبه الليوم مازال.
هذا جواب اللي لعمره فدينا.
واخاف يتعب عنقها شيل سلسال.
بحلت بألي صاير الليوم فينا.
ماالي جداء دمعي على الخد همال.
واثر الوضع غير اللذي فاهمينا.
ناسٍ وتخطيطه على سوء الاعمال.
تحركت ناسٍ ابغظه دفينا.
بأسم القرابه واسمها الصح عذال.
لأجيت رحب يامشيب ايهجينا.
بالتفرقه صوته كما صوت دلال.
مار اطلب اللي بالسماء معتلينا.
جلا جلاله مرسي الارض بجبال.
يامنزل القران نورً مبينا.
من يتبعه ينجيه من شرك وأظلال.
تهلك جميع اللي حكوا مبغضينا.
يوم الحشر ماله من الخير مثقال.
وعساه في دنياه ماله معينا.
ولاحدٍ يشيل الحمل عنه ليا مال.
مطروح جسمه والمرض به دفينا.
ومن المرض مايعرف البنت واعيال.
وتبقى حياته والنفس بكسجينا.
وجهاز يخطط حاله القلب شغال.
حيث انهم حالوا على من هوينا.
وكم واحدً بأسبابهم مات مانال.
بيئات ذنبً نرتكب ماجنينا.
بالظلم نحكم والسبب هرج الانذال.
والوضع مهما طال لازم يبينا.
ولابد يومً يكشف الوضع لوطال.
ابيك تاثق غيركم ماهوينا.
من صغرنا حبك بقلبي ولازال.
نسيت يوم احنا نشبك يدينا.
ونرسم امانينا على الطعس ورمال.
بكرا نجيها يختفي مابنينا.
نزعل ويازين الزعل بين الاطفال.
وتذكري قبل السفر كم بكينا.
وقت السفر نترك عن الحب عن الحب تمثال.
وياكثر ناسً نحسبه ناصحينا.
بمسلسل التفريق في دور الابطال.
ذكرت موجز جعل قلبك يلينا
. يمكن يبدل هجرك الليوم بوصال.
انكان تبقى القرب يمك دنينا.
بأذن الولي نفتح عسيرات الأقفال.
وانكان تبقى البعد عنك مشينا.
وجعل الولي يعطيك خيره بمكيال.
بالعهد والميثاق حنا وفينا.
وهذا القدر مالي على القلب مدخال.
( بندر شلاح الاسلمي)