• ×

( الوســــم )

زيادة حجم الخط مسح إنقاص حجم الخط
( الوســــم )
image

العيون اللي تراقب بارق(ن)قد لاح ضوه
ودها تتبع هواها وتطرب النفس الحزينه
ابشري ياعين والله قد ضربها الوسم توه
واسقى الهملول ذيك الارض من وبله بحينه
قارنت واستبشرت واقترن بالوسم نوه
والوعد قدام ياللي للوعد مستبشرينه
الاعيلي والشحم وشرق ليلى زان جوه
والدسم والبارك اللي للخبر مترقبينه
زان مطلاع النشاما وزانت الرفقه بخوه
علق المطلوب لو ندفع على ذيك الثمينه
فوق جيبً صاحبه ماله على المقعاد قوه
ماشراه الا يبي يسمع مع البيدا حنينه
سايقه بطران كنه لاحتزم فوقه عدوه
كل بطناج(ن) يمره هز اركان المكينه
كنهم اللي لانتخوا به قالوا المذكور سوه
كنه امواج(ن) تلاطم تضرب دفوف السفينه
في تلاعاً لانثنى من بينهن تقل يتموه
ماخذ(ن)لون البلاد اللي بها مثل الهجينه
كن ماه وطينته عن وطيت الجيب يتجوه
عارفن ممشاه باتع وكل دربن سالكينه
والعشب تحت الثرى كنه الطفل المفوه
كنه اللي ينتظرك تشيل قشره من جبينه
ياوجودي وجد شايب مابقى به من مروه
كود يخايل برق لاح وجالس بوسط المدينه
حدته دنياه صابر والقلب يادوب توه
والبصر قصر وعينه في عصاةً في يمينه
ينتظر في فرشته لين يقول الموت قوه
مابقى له شي يذكر غير ترديده حنينه
( ماجد السراب )

 0  1  1.2K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 02:02 مساءً الثلاثاء 19 مارس 2024.

شارك أصحابك