• ×

..شفني هناك..

زيادة حجم الخط مسح إنقاص حجم الخط
..شفني هناك..

اشعل فتيل القاف وابليس ملعون
في ساحة ن من حرب جيشه تعاني

ياهي هوايل من مجانين وجنون
لعبو على حبل الدلي والسواني

فيهم حسد فيهم مشكات وضنون
فيهم من الشي الدفين الفلاني

قالوا وانا مدري وش اللي يقولون
كلام بالمقلوب عكس المعاني

احيان احس اني من الخلف مطعون
واحيان احس ان السهم مارماني

ياليت عذال المخاليق يدرون
ان الوفاء طبعي وموطن كياني

والله لو يدرون بي مايعودون
لمعاندي مهما تكون اﻷماني

حطمت بسيوف الوفاء هام فرعون
وارسيت ببحور الموده مواني

وابدعت بالفكره وسنيت قانون
لحروف شعري قبل يظهر بياني

اما يجي شعري منقح وموزون
وإلا يموت ولا يقوله لساني

ياعاذلي قل للعواذيل بالهون
بالهون يالعذال قاصي وداني

ماني من اللي عادته يقبل الدون
ولا يرتضي بالدون غير الهداني

شفني اهناك ان كان لك راس وعيون
متربعا بايمن سهيل اليماني

عن واطي الهفوات معناي مضمون
وعن الردا حطيت سبع المثاني

ياعاذلي مهما تقول ويقولون
كل العواذل قولهم مارماني

خلف اﻷسيد

بواسطة : خلف الأسيد
 0  0  715
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:34 صباحًا الثلاثاء 19 مارس 2024.

شارك أصحابك